ශ්‍යාමෝපාලි වංශික මහා නිකායේ මල්වතු පාර්ශ්වයේ මොනරාගල දිස්ත්‍රික්කයේ උප ප්‍රධාන සංඝ නායක පදවියට බිඛිල ශ්‍රී බෝධි-රුක්ඛාරාමය සහ රතුගල විහාරය යන උභය විහාරාධිපති බිඛිල ශාසනාරක්ෂක මණ්ඩලයේ ලේඛකාධිකාරී දොඩම්ගොල්ලේ සෝරතහිමියන් පත්කර ඇත. ඒ සඳහා වූ පත්වීම්ලි පිය ශ්‍යාමෝපාලි වංශික මහා නිකායේ මල්වතු පාර්ශ්වයේ මහා නායක තිබ්බටුවාවේ ශ්‍රී සිද්ධාර්ථ සුමංගල නායක හිමිපාණන්ව හන්සේ ඇතුළු සානුනායක කාරක සංඝ සභාව විසින් එම විහාරස්ථානයේදී 2026/03/23 වන දි​න උන්වහන්සේ වෙත පිරිනමන ලදි.

මෙම ධුරය දැරූ බිබිල බෝධිරුක්ඛාරාමාධිපති කුඩාවිල හේමාලෝක නායක ස්වාමීන්වහන්සේ අපවත්වීමෙන් පසු පුරප්පාඩු වූ එම ධුරය සඳහා දොඩම්ගොල්ලේ සෝරත හිමියන් මෙලෙස පත්කර තිබේ. මෙම අවස්ථාවට වැලියාය සිරි පියරතන පරිවෙණාධිපති ඌව වෙල්ලස්ස දෙදිසාවේ ප්‍රධාන සංඝනායක ශාස්ත්‍රපති පණ්ඩිත කන්දඋඩපංගුවේ සුධම්ම, මොනරාගල දිස්ත්‍රික් ශාසනාරක්ෂක මණ්ඩලයේ ලේඛකාධිකාරී සහකාර අධ්‍යාපන අධ්‍යක්ෂක පිරිවෙන් (බිබිල සහ මොනරාගල) කන්දඋඩපංගුවේ සුගතනන්ද යන නායක ස්වාමීන් වහන්සේලා ප්‍රමුඛ මහා සංඝ රත්නය වැඩම කර සිටියහ.