මොණරාගල උප ප්‍රධාන සංඝ නායක පදවිය දොඩම්ගොල්ලේ සෝරත හිමිට

ශ්‍යාමෝපාලි වංශික මහා නිකායේ මල්වතු පාර්ශ්වයේ මොනරාගල දිස්ත්‍රික්කයේ උප ප්‍රධාන සංඝ නායක පදවියට බිඛිල ශ්‍රී බෝධි-රුක්ඛාරාමය සහ රතුගල විහාරය යන උභය විහාරාධිපති බිඛිල ශාසනාරක්ෂක මණ්ඩලයේ ලේඛකාධිකාරී දොඩම්ගොල්ලේ සෝරතහිමියන් පත්කර ඇත.

සියවස් සමරු – කඨින චීවර පූජාව හා මහා පෙරහැර මංගල්‍යයට පිංබ​ර සැමට ආරාධනා

දිවයිනට බලපෑ දිට්වා සුළි කුනාටුව හේතුවෙන් පීඩාවට පත්ව අසරණ වූ අපේම ජනතාව වෙනුවෙන් සහසහනාධාර එකතු කිරීමේ අදියර කිහිපයක් බිබිල ශ්‍රී බෝධිරුක්ඛාරාම විහාරස්ථානය මූලිකත්වයෙන් සිදුකරන ලදි. විහාරස්ථ දායක සභාව, බිබිල ප්‍රාදේශීය ලේඛම් කාර්යාලය, බිබිල පොලීසිය, බිබිල බෞද්ධ වෙළඳ සංගමය හා මහා වෙළඳ සංගමය ඇතුළු බිබිල ප්‍රදේශයේ පරිත්‍යාග ශීලී ජනතාව විසින් ගෙනවිත් භාරදුන් වියළි සලාක , සනීපාරක්ෂක ද්‍රව්‍ය , පානීය ජල බෝතල් , ඇදුම් ආදී ද්‍රව්‍යමය ආධාර මහියංගනය , ලුණුගල , උඩුදුම්බර යන ප්‍රදේශ වල අසරණ වූ පවුල් වෙනුවෙන් ලබාදීම සදහා එම ප්‍රදේශයන්හි ප්‍රාදේශීය ලේඛම් කාර්යාල වෙත අප විසින් පරිත්‍යාග කරන ලදි.