ලුණුගල, මඩොල්සිම ප්‍රදේශයේ නාය යෑමෙන් පීඩාවට පත්ව අසරණ වූ ජනතාව වෙනුවෙන් ද්‍රව්‍යමය ආධාර ලබාදීම

දිවයිනට බලපෑ දිට්වා සුළි කුනාටුව හේතුවෙන් පීඩාවට පත්ව අසරණ වූ අපේම ජනතාව වෙනුවෙන් සහසහනාධාර එකතු කිරීමේ අදියර කිහිපයක් බිබිල ශ්‍රී බෝධිරුක්ඛාරාම විහාරස්ථානය මූලිකත්වයෙන් සිදුකරන ලදි. විහාරස්ථ දායක සභාව, බිබිල ප්‍රාදේශීය ලේඛම් කාර්යාලය, බිබිල පොලීසිය, බිබිල බෞද්ධ වෙළඳ සංගමය හා මහා වෙළඳ සංගමය ඇතුළු බිබිල ප්‍රදේශයේ පරිත්‍යාග ශීලී ජනතාව විසින් ගෙනවිත් භාරදුන් වියළි සලාක , සනීපාරක්ෂක ද්‍රව්‍ය , පානීය ජල බෝතල් , ඇදුම් ආදී ද්‍රව්‍යමය ආධාර මහියංගනය , ලුණුගල , උඩුදුම්බර යන ප්‍රදේශ වල අසරණ වූ පවුල් වෙනුවෙන් ලබාදීම සදහා එම ප්‍රදේශයන්හි ප්‍රාදේශීය ලේඛම් කාර්යාල වෙත අප විසින් පරිත්‍යාග කරන ලදි.

අයහපත් කාලගුණික තත්වය හේතුවෙන් ගංවතුරින් පීඩාවට පත් මහියංගන ජනතාව වෙනුවෙන් බෙදාදීම සදහා වූ අප විසින් එකතු කළ ආධාර මහියංගනය ප්‍රදේශීය ලේඛම් කාර්යාලය බාරදෙන ලදි. ඊට සමගාමීව මහියංගන අවතැන් වු ජනතාව වෙනුවෙන් පිසූ ආහාර පාර්සල් 2000 ක්ද ලබාදෙන ලදි.